¿Queres volver escoitar a oitava edición do programa A Radio Conta? Podes facelo aquí:
A Radio Conta polos heroes da pandemia
Oito emisoras da Coruña volven unir as súas voces no programa solidario ‘A Radio Conta’. Esta iniciativa chega á súa oitava edición mañá sábado, 26 de decembro de 2020 de 17h a 20h. Será unha retransmisión especial, dedicada ás persoas e entidades que deixaron a pel polos demais debido á pandemia do coronavirus.
‘A Radio Conta’ é un programa coral en homenaxe á radio más próxima, único en Europa. A elaboración corre pola conta dunha redacción que conforman profesionais de Radio Galega, Radio Nacional de España, Radio Coruña-Cadena Ser, RadioVoz, Radio Marca, Onda Cero, COPE e Intercoruña.
Unha chea de convidados aparecerán nestas tres horas de radio coa ollada posta nas persoas que o deron todo na crise sanitaria. Nesta edición especial, poderanse oír voces desde a Garda Civil, a investigación sanitaria, as entidades sociais, as residencias de maiores, o empresariado, o deporte e mesmo a propia radio. Cada unha, co seu compromiso e a súa experiencia marcada polo coronavirus, que tamén deixa historias cotiás entrañables dignas de contar.
De novo, non faltará o humor. David Perdomo, Xosé Antonio Touriñán, Fede Pérez, Marcos Pereiro, Pedro Brandariz e Oswaldo Digón estarán nesta oitava ‘A Radio Conta’ e lembrarán os momentos nos que animaron o confinamento de moitas persoas. Contaremos coa gaiteira Susana Seivane e co actor Tamar Novas, e estará tamén unha habitual dos concursos televisivos, Victoria Folgueira.
O radioteatro terá un especial protagonismo nesta edición. O guionista Óscar Cruz escribiu e dirixiu tres pezas dedicadas a falar, de xeito nada habitual, da pandemia da gripe española ou da Real Expedición Filantrópica da Vacina. Contará coas voces de Paco Lodeiro, Carlos Jiménez, Suso Martínez e os xornalistas das diferentes radios. Darán primicias inéditas e ofrecerán entrevistas exclusivas relacionadas co eido sanitario.
Esta oitava ‘A Radio Conta’ poderá seguirse exclusivamente pola radio, debido ás restricións sanitarias obrigadas pola COVID-19. As emisoras participantes emitirán o programa para a área da Coruña, e tamén se retransmitirá en toda Galicia a través da Radio Galega e RNE. Así mesmo, Radio Nordés e Radio Ferrol sumaranse á emisión desta oitava A Radio Conta nas súas respectivas áreas de cobertura.
As radios da Coruña únense pola pandemia
Oito emisoras da Coruña volven unir as súas voces no programa solidario ‘A Radio Conta’. Esta iniciativa chega á súa oitava edición o sábado, 26 de decembro de 2020 de 17h a 20h. Será unha retransmisión especial, dedicada ás persoas e entidades que deixaron a pel polos demais debido á pandemia do coronavirus.
O xornalista Moncho Viña conducirá unha vez máis esta homenaxe á radio más próxima, única en Europa. A elaboración corre pola conta dunha redacción que conforman profesionais de Radio Galega, Radio Nacional de España, Radio Coruña-Cadena Ser, RadioVoz, Radio Marca, Onda Cero, COPE e Intercoruña.
Unha chea de convidados aparecerán nestas tres horas de radio coa ollada posta nas persoas que o deron todo na crise sanitaria. Nesta edición especial, poderanse oír voces desde a Garda Civil, a investigación sanitaria, as entidades sociais, as residencias de maiores, o empresariado, o deporte e mesmo a propia radio. Cada unha, co seu compromiso e a súa experiencia marcada polo coronavirus, que tamén deixa historias cotiás entrañables dignas de contar.
De novo, non faltará o humor. David Perdomo, Xosé Antonio Touriñán, Fede Pérez, Marcos Pereiro, Pedro Brandariz e Oswaldo Digón estarán nesta oitava A Radio Conta e lembrarán os momentos nos que animaron o confinamento de moitas persoas. Contaremos coa gaiteira Susana Seivane e co actor Tamar Novas, e estará tamén unha habitual dos concursos televisivos, Victoria Folgueira.
O radioteatro terá un especial protagonismo nesta edición da Radio Conta. O guionista Óscar Cruz escribiu e dirixiu tres pezas dedicadas a falar, de xeito nada habitual, da pandemia da gripe española ou da Real Expedición Filantrópica da Vacina. Contará coas voces de Paco Lodeiro, Carlos Jiménez, Suso Martínez e os xornalistas das diferentes radios. Darán primicias inéditas e ofrecerán entrevistas exclusivas relacionadas co eido sanitario.
Esta oitava edición de ‘A Radio Conta’ poderá seguirse exclusivamente polas ondas das radios participantes, debido ás restricións sanitarias obrigadas pola COVID-19. Nas redes sociais poderanse ver imaxes e sons dos convidados e dos profesionais participantes, a tempo real, co cancelo #aradioconta2020.
Audio e vídeo do 7º A Radio Conta
¿Queres volver escoitar a sétima edición do programa A Radio Conta? Podes facelo aquí:
E, por vez primeira, tamén podes ver a emisión completa do programa, emitido o 28/12/2019 desde o Teatro Rosalía Castro da Coruña: